Үндэсний
Итгэмжлэлийн Төв

Үндэсний итгэмжлэлийн төвийн Эрчим хүчний менежментийн тогтолцооны итгэмжлэлийн хөтөлбөр нь ISO 50001 - Эрчим хүчний менежментийн тогтолцоо олон улсын стандартыг хэрэгжүүлсэн байгууллагыг баталгаажуулах зорилготой байгууллагуудын чадавхийг үнэлдэг.

ISO 50001 стандартын дагуу эрчим хүчний менежментийн тогтолцоо, үйл явцыг бий болгосноор байгууллага нь эрчим хүчний үр ашиг, хэрэглээ, зарцуулалт зэргийг багтаасан эрчим хүчний ерөнхий үзүүлэлтээ сайжруулж чадна. Эдгээр сайжруулалтууд нь эрчим хүчний зардлыг хэмнэх, түүнчлэн хүлэмжийн хийг бууруулах (нүүрстөрөгчийн ул мөр) болон хүрээлэн буй орчны бусад сөрөг нөлөөллийгбууруулахад чиглэгддэг.

Үндэсний итгэмжлэлийн төвийн Эрчим хүчний менежментийн тогтолцооны итгэмжлэлийн хөтөлбөр нь дараах салбарын эрчим хүчний менежментийн тогтолцооны баталгаажуулалтын байгууллагуудыг хамаарна. Үүнд:• Барилга, байгууламж• Хөнгөн ба дунд үйлдвэр• Хүнд үйлдвэр• Тээвэр• Барилгын эрчим хүчний нэгдсэн хэрэглээ• Эрчим хүч ханган нийлүүлэгчид

Байгаль орчны менежментийн тогтолцоо нь байгууллагын үйл ажиллагааны байгаль орчинд үзүүлэх нөлөөллийг авч үздэг. Ийм тогтолцоо нь байгууллагын хүрээлэн буй орчны зорилго, зорилтыг тодорхойлж, түүндээ хэрхэн хүрч буйг үнэлэхэд тусалдаг. Үндэсний итгэмжлэлийн төв (ҮИТ) нь ISO 14001 Байгаль орчны менежментийн тогтолцоо олон улсын стандартын дагуу хэрэгжүүлсэнтогтолцоог үнэлж, баталгаажуулдаг байгууллагуудыг итгэмжилдэг.

Хөдөлмөрийн эрүүл мэнд, аюулгүй ажиллагааны менежментийн тогтолцоо нь байгууллагын хөдөлмөрийн эрүүл мэнд, аюулгүй байдлын үүрэг, хариуцлагыг удирдах хүрээг тогтоож, түүнчлэн дараах ач холбогдолтой. Үүнд:•      Эрүүл мэнд, аюулгүй ажиллагааны гүйцэтгэлийг сайжруулах•      Осол гэмтэл, өвчлөл, нас баралтыг бууруулах, урьдчилан сэргийлэхҮндэсний итгэмжлэлийн төв (ҮИТ) нь олон улсын ISO 45001 - Хөдөлмөрийн эрүүл мэнд, аюулгүй байдал, OHSAS 18001 Эрүүл мэнд, аюулгүй байдлын стандартын дагуу  Хөдөлмөрийн эрүүл мэнд, аюулгүй байдлын менежментийн тогтолцоог үнэлж, баталгаажуулдаг байгууллагуудыг итгэмжилдэг.

Үндэсний итгэмжлэлийн төв (ҮИТ) нь ISO 13485 стандартын дагуу Эмнэлгийн хэрэгсэл үйлдвэрлэгчийн менежментийн тогтолцоог баталгаажуулдаг байгууллагуудыг итгэмжилдэг.

Чанарын менежментийн тогтолцоо нь байгууллагын чанарын бодлого, зорилго, журмыг тодорхойлж, тогтоодог. Нөхцөл байдлаас шалтгаалан өөр өөр байдаг тул чанарын менежментийн тогтолцооны стандартууд нь чанарын тодорхой шалгуур үзүүлэлтүүдийгагуулаагүй бөгөөд түүнд хэрхэн хүрэх талаар тодорхойлоогүй. Харин эдгээр стандартууд нь ямар ч хэмжээтэй байгууллага, ямар ч салбарт ашиглаж болохуйц ерөнхий хүрээ, зарчмуудыг өгдөг.Үндэсний итгэмжлэлийн төв (ҮИТ) нь олон улсын ISO 9001 чанарын менежментийн тогтолцооны стандартын дагуу чанарын менежментийн тогтолцоог үнэлж, баталгаажуулдаг байгууллагуудыг итгэмжилдэг.

Хүнсний аюулгүй байдлын менежментийн тогтолцоо нь “фермээс ширээ” хүртэл хүнсний хангамжийн сүлжээг үр дүнтэй удирдах үндэс суурь болдог.

Хүнсний аюулгүй байдлын менежментийн олон улсын стандарт нь нийтээр хүлээн зөвшөөрөгдсөн хүнсний аюулгүй байдлын сайн туршлагыг нэгтгэдэг бөгөөд хүнсний тоног төхөөрөмж, сав баглаа боодлын материал, цэвэрлэгээний бодис, нэмэлт, найрлага үйлдвэрлэгч, үйлдвэрлэгч зэрэг хүнсний сүлжээнд оролцож буй холбогдох бүх байгууллагуудад хэрэглэгдэнэ.

ҮИТ нь ISO 22000 стандартын дагуух Хүнсний аюулгүй байдлын менежментийн тогтолцоог үнэлж баталгаажуулдаг байгууллагуудыг итгэмжилдэг.

Авлига хээл хахуулийн эсрэг менежментийн тогтолцоо нь байгууллагуудад хээл хахуулийг урьдчилан сэргийлэх, илрүүлэх, таслан зогсооход тусалдаг. Энэ нь хээл хахуулийн эрсдлийг бууруулахад тусалдаг бөгөөд энэхүү байгууллага нь олон улсад хүлээн зөвшөөрөгдсөн хээл хахуулийн эсрэг шилдэг туршлагыг хэрэгжүүлсэн болохыг үйлчлүүлэгч болон оролцогч талуудад харуулах боломж олгодог юм.

Үндэсний итгэмжлэлийн төв (ҮИТ) нь ISO 37001 стандартын дагуу аудит хийдэг баталгаажуулалтын байгууллагуудыг итгэмжилдэг.  

Мэдээллийн аюулгүй байдлын менежмент (IMS) нь мэдээллийн аюулгүй байдлыг хэрэгжүүлэх, хадгалах, тасралтгүй сайжруулах боломжийг олгодог. IMS нь санхүүгийн мэдээлэл, оюуны өмч гэх мэт хөрөнгийн аюулгүй байдлыг удирддаг.  ISO/IEC 27001 стандартын шаардлагыг ямар ч байгууллагад тэдгээрийн хэмжээ, үйлдвэрлэлийн төрлөөс үл хамааран хэрэгжүүлж болдог. Үүнтэй холбоотой маш олон стандарт байдаг. Зарим байгууллага сайн туршлагыг хэрэгжүүлэх зорилгоор энэ стандартыг хэрэгжүүлдэг бол зарим нь баталгаажуулалтын гэрчилгээ авах сонирхолтой байдаг. Баталгаажуулалт нь стандартын бүх шаардлагыг хэрэгжүүлсэн болохыг үйлчлүүлэгчийн өмнө илэрхийлдэг. ҮИТ нь олон улсын ISO/IEC 27001 стандартын дагуу хэрэгжүүлсэн Мэдээллийн аюулгүй байдлын менежментийн тогтолцоог үнэлж, баталгаажуулдаг байгууллагуудыг итгэмжилдэг